रुकुम पश्चिमको त्रिवेणी गाउँपालिकाले पालिकामा कार्यरत कर्मचारी, शिक्षक, विभिन्न सञ्चार माध्यममा काम गर्ने पत्रकारहरुलाई सम्मान गरेको छ । शुक्रबार सातौँ गाउँसभामा पालिकामा उत्कृष्ट काम गरी विभिन्न क्षेत्रबाट पालिकालाई योगदान पुर्याउने कर्मचारी, शिक्षक, र पत्रकारहरुलाई फुलमाला दोसला र सम्मान पत्रले सम्मान गरेको हो ।

पालिकामा कार्यरत कर्मचारीहरु प्राविधिक सहायक रमेश पुन मगर, सह लेखापाल डम्मर सुनार, इन्जिनियर प्रदिपजङ मल्ल, कार्यालय सहयोगि महेश केसीलाई गाउँपालिकाले सम्मान गरेको हो । त्यस्तै स्वास्थ्य सेवा तर्फ स्वास्थ्य शाखा प्रमुख प्रेमबहादुर पुन र मुरु स्वास्थ्य चौकिमा कार्यरत सी.अनमी पत्रिका पुनलाई सम्मान गरिएको हो । 

वडा सचिव चन्द्रलाल डाँगी र पवित्रा खड्का, शिक्षा क्षेत्रमा योगदान पुर्याएको भन्दै शारदा नमुना आधारभुत विद्यालयका शिक्षक खिमबहादुर पुन र बाल शिक्षा जनचेतना खोरवारेका शिक्षिका निर्मला ओली पनि सम्मानित हुनुभएको छ । 

गाउँपालिकाको स्थापना काल देखिनै पालिकाको विभिन्न विकास निर्माण, सूचना, पालिकाको हरेक गतिविधिलाई सञ्चारको माध्यम मार्फत जनताको सामु पुर्याई योगदान गरेको भन्दै रेडियो सानोभेरीका बजार अधिकृत देवकुमार ओली, पत्रकार गणेशकुमार शिर्पाली, रेडियो समावेशी आवाजमा कार्यरत गोपाल ओली र हिमाल टाइम्स अनलाईनमा कार्यरत पत्रकार विपिन पुनलाई पनि गाउँपालिकाले सम्मान गरेको हो ।