रुकुम पूर्वको सिस्ने गाउँपालिका वडा नम्बर ३ पोखरामा ढुङ्गा आएर खाने पानीको ट्याङ्कीमा क्षेती भएको  छ । आज दिउँसो २ बजे तिर वडाको लिरेमेला वनबाट आएको ढुङ्गाले ट्याङ्कीमा क्षेती गरेको हो । २०७६ सालमा निर्माण भएको भेरीखोला पोखरा खानी अन्तर्गत एक घर एक धाराको खानेपानी ट्याङ्कीमा क्षेती पुगेको वडा अध्यक्ष हेराम खड्काले जानकारी दिनुभयो ।

के कति क्षती भयो भनेर घटनाको विवरण आउन बाँकी रहेको छ । एक घर एक धाराको खानेपानी पूर्ण रुपमा अवरुद्ध भएपछि अहिले पोखराबासीले पुरानो आयोजनाको खानेपानी प्रयोग गरिरहेको छन् । केही समय अगाडी ३ नम्बर वडा कार्यालय पनि ढुङ्गाले क्षती गरेको थियो ।