रुकुम पश्चिमको  त्रिवेणी गाउँपालिकामा  गत आर्थिक  वर्ष  २०७८/०७९ मा   ७३ घरमा खरका छाना विस्थापित गरिएको छ । गाउँपालिका भित्र रहेका १० वटा वडामा उक्त आर्थिक वर्षमा ७३ घरमा  खरका छाना  विस्थापित गरिएको हो । अति विपन्न र आर्थिक अवस्था कमजोर भएका घरपरिवारको संख्या एकिन गरी पालिकाले सुरक्षीत नागरिक आवास निर्माण  गरेको प्रमुख प्रशासकीय अधिकृत प्रेमबहादुर घर्तीले बताउनुभयो ।

उहाँका अनुसार जस्ता पाता वितरण गरिएका सबै घरपरिवारले  खरका छाना हटाएर जस्ता पाताले घर निर्माण गरिसकेका छन् । गाउँपालिकामा सबै भन्दा बढि  वडा नम्बर २ मा  ९ घरमा खरका छाना विस्थापित गरी जस्तापाताले घर निर्माण गरिएको हो । त्यस्तै वडा नम्बर १,३,४,५,६,८,९,१०  मा ७र७  घरमा जस्ताका पाताले घर निर्माण गरिएको छ ।   भने वडा नम्बर ७ मा ८ घरमा जस्ता पाताले घर निर्माण गरिएको छ ।

प्रत्येक घर  निर्माण गर्न जस्तापाताको लागि पालिकाले संघीय ससर्त अनुदान अन्तर्गत ५० हजार रकम छुट्याएकोे थियो । जस अन्तरगत ७३  घर निर्माणको लागि  ३६ लाख ५० हजार रकम खर्च भएको  छ । अबको आर्थिक वर्ष २०७९र८० मा त्रिवेणी गाउँपालिकामा १ सय ६२ खरका छाना विस्थापित गरेर जस्तापाताले घर निर्माण गरिने प्रमुख प्रशासकीय अधिकृत घर्तीले जानकारी दिनुभयो ।