रुकुम पश्चिमका माओवादीहरु स्कुलिङमा बसेका छन् । जिल्ला सदरमुकाम स्थित मुसीकोट नगरपालिका ५ मा रहेको सहिद स्मृति प्रतिष्ठानको हलमा आजबाट स्कुलिङ सुरु भएको हो । माओवादी केन्द्र रुकुम पश्चिमको आयोजना तथा माक्सवादी केन्द्रको सहजिकरणमा स्कुलिङ सुरु भएको हो ।

माओवादी केन्द्रका जिल्ला स्थित नेता, कार्यकर्ता, भातृ तथा भगिनी संगठनका नेता, कार्यकर्ता पनि स्कुलिङमा सहभागि छन् । आज उद्घाटन भएको यो स्कुलिङ ११ गते सम्म चल्न जनाइएको छ । ५ दिनसम्म माक्सवादका विभिन्न विषयमा सिकाइने माओवादी केन्द्रले जनाएको छ ।

स्कुलिङमा माओवादीको नेतृत्वमा भएका विकास, गरिएका पहल लगायतका विषयमा पनि छलफल गरिने जनाइएको छ । आवासीय रुपमा सञ्चालन हुने यो कार्यक्रमले पार्टी, माक्सवाद र त्यसका सम्पूर्ण आयामबारे सिकाइने र त्यसै अनुसारको व्यवहार बनाउने उद्देश्य रहेको माओवादीले जनाएको छ ।