रुकुम पश्चिमको मुसीकोट नगरपालिका वडा नम्बर ३ का एक बालक शनिबार देखि वेपत्ता भएका छन् । पिपलनेटाका १४ वर्षिय बिज्ञान विष्ट शनिबार बिहान ९ बजेदेखि घरबाटै सम्पर्क विहिन भएका हुन् । उनको खोजीमा सहयोग गरिदिन परिवारजनले अनुरोध गरेका छन् । सबैतिर खोजी गर्दा पनि छोराको बारेमा कुनै जानकारी प्राप्त हुन नसकेको बुवा रुपलाल विष्टले जानकारी दिनुभयो ।

आफन्तकोमा सबैतिर खोजी गरिसकिएको र प्रहरीलाई समेत जानकारी गराईएको उहाँले बताउनुभयो । बिज्ञान मुसीकोट खलंगाको त्रिभुवन जनता माविमा कक्षा ९ मा अध्यनरत थिए । वडा नम्बर ३ कै अर्का एक वालक पनि केही समय अगाडी वेपत्ता भएका थिए । जेठ २० गतेबाट वेपत्ता भएका धैरेनीचौरका १४ वर्षिय शिशिर खड्का अझैसम्म पनि फेला परेका छैनन् ।