रुकुम पश्चिमको बाँफिकोट गाउँपालिका–२, पिपल जिपुमा आयोजित ब्याडमिन्टन अन्तरगत पुरुष तर्फ डम्बर थापा र जनक खड्काको जोडि पहिलो भएका छ । आज भएको फाईनलमा विशाल बिष्ट र अविनाश केसीको जोडिलाई २–० को सोझो सेटमा पराजित गर्दै डम्बर र जनकको जोडि प्रथम भएको हो । आजै भएको सेमिफाईनलमा डम्बर र जनकको जोडिले अनिल बुढा र ध्रुवविक्रम थापा तथा विशाल र अविनासको जोडि ज्वालासिंह खड्का र सुनिल बुढाको जोडिलाई पराजित गर्दै फाईनल प्रवेश गरेका थिए । प्रथम हुने डम्बर र जनकको जोडिले ३३ हजार ३ सय ३३ रुपैंया नगद पुरस्कारको साथमा कप, मेडल र प्रमाण पत्र प्राप्त गरेको छ ।

दोस्रो हुने विशाल र अविनासको जोडीले नगद २० हजारको साथमा मेडल र प्रमाण पत्र प्राप्त गरेको छ । सेमिफाईनलसम्म पुगेका अनिल र ध्रुव तथा ज्वालासिंह र सुनिलको जोडिले समान ६ हजार ६ सय ६६ रुपैंया रुपैंया प्राप्त गरेका छन् । पुरुष ब्याडमिन्टन प्रतियोगितामा २४ जोडिले प्रतिस्पर्धा गरेका थिए । बाँफिकोट गाउँपालिकाको आर्थिक सहयोगमा ‘जनयुद्ध’ दिवसको अवसरमा स्यार्पू खेलकुद विकास समितिले विभिन्न खेलकुद प्रतियोगिता आयोजना गरेको छ । जसमध्य पुरुष र महिला ब्याडमिन्टन सम्पन्न भएको छ भने महिला र पुरुष भलिबल प्रतियोगिता जारी छ ।