रुकुम पश्चिमको सानीभेरी गाउँपालिका ३ मा एक जनाको घर पुरिएको छ । रातभरको वर्षापछि आएको पहिरोले खडकबहादुर विकको घर पूर्ण रुपमा क्षेती भएको हो । पहिरोका कारण अरु मानविय तथा पशुचौपायमा भने क्षेती भएको छैन ।

यस अघि नै पहिरो आउन सक्ने भन्दै मान्छे र पशुचौपाया अन्यत्रै सारिएको थियो । घरमा रहेका अन्नपात, लत्ताकपडा तथा भाँडावर्तण भने पूर्ण रुपमा पुरिएका छन् । सडक स्तरोन्नती गर्ने क्रममा खनिएको माटोका कारण पहिरो गएको बताइएको छ । घटनाको सम्पूर्ण विवरण संकलन भइरहेको बुझिएको छ ।