रुकुम पश्चिमको त्रिवेणी गाउँपालिका वडा नम्बर १ मा किसानले लगाएको  मकै बाली पुर्ण रुपमा क्षेती  भएको छ ।  शनिवार साँझ पानी सहित आएको हावाहुरीले किसानले  लगाएको मकै बाली पूर्ण रुमापमा क्षेती गरेको हो । वडाको दहभागे, लग्र, बल्ले  र दाङ्चुङमा हावाहुरीले कोषा  फाल्न लागेको मकै बालीमा  पूर्ण रुपमा क्षेती पुर्याएपछि किसानहरु  चिन्तित बनेका छन ।

किसानले परिश्रम गरेर  उत्पादन हुने समयमा हावाहुरीले मकै बालीमा क्षेती पुर्याएपछी किसानहरु निराश भएको वडा अध्यक्ष सुन्दर ओलीले बताउनुभयो । उहाँका अनुसार सोही वडाको बल्ले टोलमा निरन्तर वर्षाका कारण   विकल्प ओली र  खिमबहादुर ओलीको घर पहिरोको उच्च जोखिममा परेका छन भने  दाङ्चुङ टोलमा कृष्णबहादुर चन्दको घर पनि पहिरोको उच्च जोखिममा परेको छ ।

अविरल वर्षाका कारण घर मुनीबाट जमिन भासिएपछी  पहिरोको उच्च जोखिममा परेका हुन ।  पहिरोको जोखिममा परेपछि विकल्प ओली र खिमबहादुर ओलीले परिवार सहित बस्तु भाउ सुरक्षीत ठाउँ  आफ्नै  भाईको घरमा  सर्नुभएको छ ।  कृष्णबहादुर चन्दको  परिवार भने  एक ठाउँ मात्रै घर भएकाले पहिरोको जोखिम भएकै घरमा बस्दै आउनुभएको छ । किसानहरुले लगाएको मकै बाली पुर्ण रुपमा क्षेती भएकाले वडा कार्यालय बाट गर्न सक्ने सहयोग आफुले गर्ने वडा अध्यक्ष ओलीले बताउनुभयो ।