रुकुम पूर्वको पुथाउत्तरगंगा गाउँपालिका वडा नम्बर ११ सेरामा नेपाल प्रहरी र शसस्त्र प्रहरीका डिएसपी सवार प्रहरीको भ्यान दुर्घटनामा परेको छ । जिल्ला सदरमुकाम रुकुमकोटबाट तकसेरा तर्फ जाँदै गरेको नेपाल प्रहरीको भ्यान सेरा गाउँ नजिकै शनिबार बिहान पाैने ११ बजेतिर दुर्घटना हुँदा एक जना प्रहरी जवानको मृत्यु भएको छ । मृतककाे नाम खुलेकाे छैन् ।

दुर्घटनामा परी जिल्ला प्रहरी प्रमुख डिएसपी प्रकाश डाँगी र शसस्त्र प्रहरीका डिएसपी रविन्द्र श्रेष्ठ सहित ३ जना प्रहरी जवान तथा गाडी चालक घाईते भएकाे पुथाउत्तरगंगा गाउँकार्यपालिकाका प्रवक्ता टिकासाई घर्तीले जानकारी दिनुभयो । घाईते मध्य केहीको अवस्था गम्भिर रहेको र दुवै डिएसपीको अवस्था भने सामान्य रहेको उहाँले बताउनुभयो । 

घटनाको थप विवरण आउँन बाँकी रहेको छ । घाईतेहरुलाई थप उपचारका लागि लिन सुर्खेतबाट हेलिकोप्टर मगाईएको छ । गाडि सडकबाट करिब १ सय मिटर तल खसेकाे बताइएकाे छ ।