बाँफिकोट गाउँपालिका–२, पिपल जिपुमा आयोजित खुला वडा स्तरीय महिला भलिबलको उपाधी बाँफिकोट–३, ले हात पारेको छ । सोमबार भएको फाईनलमा बाँफिकोट गाउँपालिका–वडा नं. २ लाई हराउदै बाँफिकोट ३ ले महिला भलिवलको उपाधी हात पारेको हो । उसले ३–१ ले खेल जितेको हो । पहिलो सेट आफ्नो पक्षमा पारेको बाँििफकोट २ ले त्यसपछि लगातार ३ सेट गुमाउँदै उपाधी वडा नं. ५ लाई सुम्पिन बाध्य भयो । त्यस्तै प्रतियोगितामा बाँफिकोट गाउँपालिका–वडा नं. ५, ले तेस्रो स्थान हासिल गरेको छ ।

प्रतियोगितामा प्रथम हुने टिमले नगत ६६ हजार ६ सय ६६ सहित कप, मेडल, प्रमाणपत्र हात पारेको छ । त्यस्तै दोस्रो हुने टिमले ४६ हजार ६ सय ४६ नगत सहित मेडल प्रमाणपत्र हात पार्दा तस्रो हुने ३३ हजार ३ सय ३३ रुपयाँ नगत सहित मेडल, प्रमाणपत्र प्राप्त गरेको छ । जनयुद्ध दिवसको अवसरमा खुला वडास्तरीय पुरुष, महिला भलिबल र ब्याडमिन्टन प्रतियोगिता आयोजना गरिएको थियो । पुरुष भलिबल भने जारी छ ।