रुकुम पश्चिममा डोजर दुर्घटनामा परी अपरेटरको मृत्यु भएको छ । पातुखाेला-राउखेत सडक खण्ड अन्तर्गत मुसीकोट नगरपालिका २ नम्बर वडाको रातामाटामा डोजर दुर्घटना हुँदा अपरेटर ६० वर्षीय मानबहादुर प्याकुरेलको मृत्यु भएको प्रहरीले जनाएको छ । सोमबार बेलुकी सडक मर्मत गर्ने क्रममा डाेजर खस्दा घाइते प्याकुरेलको उपचारका क्रममा मृत्यु भएको हो ।

घाइते प्याकुरेललाई उपचारका लागि जिल्ला अस्पताल लगिएको थियो । डाेजर सडकबाट करिब डेढ सय मिटर तल खसेकाे छ । काँस्की पोखरा बस्दै आएका अपरेटर प्याकुरेल लामो समयदेखि रुकुम पश्चिममा काम गर्दै आउनुभएको थियो । उक्त सडक खण्ड कालाेपत्रेकाे काम भइरहेकाे छ ।