बेवारिसे अवस्थामा भेटिएको शव व्यवस्थापन गरिएको छ । जिल्ला प्रहरी कार्यालय रुकुम पश्चिम र मुसीकोट नगर प्रहरीले मुसीकोट नगरपालिका ३ मुग्लुखोलामा उक्त शव सदगद गरेका हुन । साउन २९ गते सानीभेरी गाउँपालिका वडा नम्बर ४ खालचौर मुसी झरणा नजिकै फेला परेको अन्दाजी ३५/४० वर्ष उमेरका पुरुषकाे शव सदगत गरिएको हो ।

शवको पहिचान नखुलेपछि शवलाई मुसीकोट नगरपालिका ३ मुग्लुखोलामा सानीभेरी किनारमा गाडिएकाे मुसीकोट नगर प्रहरी सहायक निरीक्षक उमेश केसीले जानकारी दिनुभयो । शव कुहिएर दुर्गन्ध फैलिन थालेपछि जिल्ला प्रहरी कार्यालयले शव व्यवस्थापनका लागि नगर प्रहरीलाई अनुराेध गरेकाे थियाे । 

केही दिन अघिमात्र पनि नगर प्रहरीले पहिचान खुल्न नसकेपछि एक महिलाकाे शव व्यवस्थापन गरेकाे थियाे । मुसीकाेट नगर प्रहरीले २ वर्षकाे अवधिमा ६ वटा वेवारिसे शवको व्यवस्थापन गरेकाे छ ।