अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु क्रान्तिकारी) रुकुमपूर्वको चौथो बैठक भूमे गाउँपालिकामा सुरु भएको छ । शनिबार नेकपा माओवादी केन्द्र निकट विद्यार्थी संगठन अनेरास्ववियु (क्रान्तिकारी) रुकुमपूर्व जिल्ला समन्वय समितिको बैठक भूमे गाउँपालिकाको सभा हलमा सुरु भएको हो ।
जिल्ला समन्वय समितिको चौथो बैठक साथै विद्यार्थीसँग अखिल क्रान्तिकारी अभियान कार्यक्रम पनि सञ्चालन गरिएको छ । अखिल क्रान्तिकारीको बैठकमा नेकपा माओवादी केन्द्रका केन्द्रीय सदस्य एवं पार्टी जिल्ला इञ्चार्ज तेजबहादुर ओली, भूमे गाउँ समितिका अध्यक्ष रुपधन कामी, सचिव नारायण पुन मगर, अनेरास्ववियु क्रान्तिकारीका जिल्ला फ्याक्सन इञ्चार्ज जीवन केसी, अनेरास्ववियु क्रान्तिकारीका लुम्बिनी प्रदेश उपाध्यक्ष रुपेन्द्र मल्ल, जिल्ला अध्यक्ष रेवन खड्का, उपाध्यक्ष वेदना बुढा मगर, सचिव चन्द्र रसाइली लगायतको उपस्थिति छ । बैठकले विभिन्न् विषय वस्तुमा निर्णय गर्ने बताइएको छ ।
