रुकुम पूर्व को सिस्ने गाउँपालिका वडा नम्बर ८ लम्पाकोट आयोजित भलिबल प्रतियोगिता सम्पन्न भएको छ । घिया संक्रान्तिको अवसरमा हिमाल युवा विकास केन्द्रले आयोजना गरेको खुल्ला शुद्ध वडा स्तरिय भलिबल प्रतियोगिता आज सम्पन्न भएको हो ।

रुकुम पूर्व र पश्चिमका गरी २३ समुहले प्रतिस्पर्धा गरेको भलिबल प्रतियोगिता मा  बाँफिकोट गाउँपालिका वडा नम्बर २ पिपल प्रथम भएको छ । आज भएको फाइनल खेलमा बाँफिकोट गाउँपालिका वडा नम्बर ६ जिपसिङ ३~१ को सेटमा पराजित गर्दै बाँफिकोट २ प्रथम भएको हो । प्रथम हुने बाँफिकोट २ नगद ३० हजार रुपैयाँ साथमा मेडल र प्रमाणपत्र हात पारेको छ ।

त्यस्तै दोस्रो बाँफिकोट ६ नगद २० हजार रुपैयाँ साथमा मेडल र प्रमाणपत्र पाउदा रुकुम पूर्व को सिस्ने गाउँपालिका वडा नम्बर ४ काँडाले तेस्रो स्थानमा चित्त बुझेको छ ।  उस्ले नगद १० हजार रुपैयाँ साथमा मेडल र प्रमाणपत्र हात पारेकोआयोजकले जानकारी दिएको छ । आज एक कार्यक्रमका बिच खेलकुद प्रतियोगिता समापन गरेको हो ।