आफ्नो जन्मदिनको अवसरमा एक व्यक्तिले बिरामीलाई फलफूल वितरण गरेका छन् । मुसीकोट नगरपालिका १ का तुल्सिराम बोहराले जिल्ला अस्पताल सल्लेमा उपचाररत बिरामीहरुलाई फलफूल वितरण गर्नुभएको हो । आज जिल्ला अस्पतालमै पुगेर ४० जना बिरामीलाई विभिन्न प्रकारका फलफूल वितरण गरेको बोहराले बताउनुभयो ।

जन्मदिनमा हुने फजुल खर्चलाई रोकेर बिरामीलाई फलफूल दिएको उहाँको भनाई छ । उहाँ स्वास्थ्य सेवा कार्यालयमै कार्यरत हुनुहुन्छ । त्यस्तै उहाँले क्यान्सर पीडित दाङको तुलसीपुरका लिलाराम ओलीको उपचारका लागि ५ हजार १ सय रुपैंया सहयोग गर्नुभएको छ ।