नवौं राष्ट्रिय खेलकुद प्रतियोगिता अन्तरगत कर्णाली प्रदेश स्तरीय छनौट खेल्ने रुकुम पश्चिमको टिम घोषणा गरिएको छ । जिल्ला खेलकुद विकास समिति र जिल्ला क्रिकेट संघले संचालन गरेको जिल्ला स्तरीय छनौटबाट १४ सदस्यीय टिमको घोषणा गरिएको हो ।
कर्णाली प्रदेश स्तरीय छनौटमा सहभागिताका लागि विवश गिरीको कप्तानीमा जिल्लाको टिम घोषणा गरिएको जिल्ला किक्रेट संघ रुकुम पश्चिमका अध्यक्ष दिपक बाँठामगरले जानकारी दिनुभयो । टिममा विवश गिरी (कप्तान), अर्जुन घर्ती, विजय विष्ट, प्रेमप्रकाश खड्का, शंकर बुढा, दिनेश पुन, शंकर परियार र करणकुमार सार्की रहेका छन् ।
त्यस्तै रोहित केसी, महेश केसी, राजेन्द्र शाही, कुलप्रसाद ओली, गणेश ददेल र सुदिप शर्मा पनि टिममा रहेका छन् । वैकल्पिक खेलाडीमा अनिश खड्का, नविन गौतम र कमल शाही रहेका छन् । यसैविच प्रदेश स्तरीय छनौटमा सहभागिताका लागि जिल्लाको टिम सुर्खेत प्रस्थान गरिसकेको अध्यक्ष बाँठाले बताउनुभयो ।
प्रदेश स्तरीय छनौट भाद्र १९ गते देखि सुर्खेतको विरेन्द्रनगरमा संचालन हुने छ । उक्त छनौटपछि कर्णाली प्रदेशको टिम घोषणा गरिने छ । उक्त टिमले भाद्र २३ गतेदेखि काठमाडौंमा हुने राष्ट्रिय प्रतियोगितामा सहभागिता जनाउने छ ।
