रुकुम पश्चिमका विनय रावलले खिचेको फोटो काठमाडौंमा आयोजित एक प्रतियोगितामा प्रथम भएको छ । पर्यटन वोर्ड, अठोट नेपाल र प्रिजेन्टिङ नेपालले विभिन्न विधामा आयोजना गरेको फोटो प्रतियोगितामा विनयले खिचेको चितुवाको फोटो प्रथम भएको हो । 

उक्त फोटो वाइल्ड लाइफ अन्तरगत प्रथम भएको रावलले बताउनुभयो । झण्डै १५ सय बढी फोटोका विचमा प्रतिस्पर्धा भएकामा उक्त फोटोले प्रथम हुँदै नगद ५० हजार पुरस्कार जितेको छ । रावलले उक्त फोटो केही समय अघि बर्दिया राष्ट्रिय निकुञ्जमा कैद गर्नुभएको थियो । 

रुखमा चढेर गर्जिएको चितुवाको फोटो प्रथम हुन सफल भएको हो । प्रतियोगिता शुक्रबार सकिएको थियो । एक समारोहका विच शुक्रबार नै रावलले नगद ५० हजार पुरस्कार ग्रहण गर्नुभएको थियो । रावलले खिचेको फोटो गतवर्ष शिलापत्र अनलाईनले आयोजना गरेको प्रतियोगितामा पनि प्रथम भएको थियो । 

पानी मुनिबाट टाउको निकालेको सर्पको फोटो त्यसबेला प्रथम हुँदै ५० हजार जित्न सफल भएको थियो । रुकुम पश्चिमको मुसीकोट नगरपालिका वडा नम्बर १ निवासी रावल विगत लामो समय देखि वाइल्ड लाइफ फोटोग्राफीमा सक्रिय हुनुहुन्छ ।