असोज २८ देखि गण्डकी प्रदेशको पोखरामा हुने नवौं राष्ट्रिय खेलकुद प्रतियोगिताका लागि कर्णाली प्रदेश छनौट खेल्न रुकुम पश्चिमको टिम तयार पारिएको छ । आज मुसीकोट खलंगाको बराहटाकुरामा सञ्चालित छनाैट कार्यक्रममा सहभागि भएका मध्य खेलाडीबाट राजेन्द्र खड्काको कप्तानीमा १५ सदस्यीय टिम छनौट गरिएको हो ।

छनौट हुने खेलाडीमा सन्तोष पोख्रेल, अनिल थापा, मोहन चन्द, राजेन्द्र खड्का (कप्तान), विशाल कठायत, सञ्जय विसी, एनिप बस्नेत, प्रवेश ओली (उप–कप्तान), विराज सुनार, कमल बुढाथोकी, पिताराम ओली, टिकाराम सुनार, रमेश बोहरा, विजय लामा तामाङ र सागर आचार्य रहेका छन् । 

त्यस्तै वैकल्पिकमा मोहन कठायत, शितल विक, क्षितिज विश्वकर्मा, धिरज विक र दिवश पोख्रेल रहेका छन् । प्रदेश छनौट पर्सी सोमबार देखि सुर्खेतको वीरेन्द्रनगरमा सुरु हुने छ । टोली भोली सुर्खेत तर्फ प्रस्थान गर्ने टिम व्यवस्थापक भागिराम बोहराले जानकारी दिनुभयो । 

प्रदेश छनौटका लागि जिल्लास्तरीय छनौट धमाधम भइरहेका छन् । लगभग सबै खेलको छनौट सकिएका जिल्ला खेलकुद विकास समितिले जनाएको छ । भोलीसम्ममा सबै खेलको छनौट सकिने जिल्ला खेलकुद विकास समितिका कार्यालय सचिव लिलाप्रसाद ढकालले बताउनुभयो ।