रुकुम पश्चिमको मुसीकोट नगरपालिका वडा नम्बर ५ मा अवस्थित न्यु मुन लाइट बोर्डिङ स्कुल कर्णाली प्रदेश स्तरीय लोक नृत्य प्रतियोगितामा द्धितिय भएको छ । नीजि तथा आवासिय विद्यालय अर्गनाईजेशन (प्याब्सन) कर्णाली प्रदेशले सल्यानमा आयोजना गरेको प्रतियोगितामा न्यु मुन लाइट द्धितिय भएको शिक्षिका विजया पुन इशाले जानकारी दिनुभयाे। 

आयुषा मल्ल, भूमिका खड्का, प्रतिज्ञा कठायत, गोपाल केसी, सुप्रिम मल्ल, अनुप आचार्य, अनुप केसी, कामना विष्ट, बिन्दु डाँगी, अनिश शर्मा, एट्रिना रसाईली र एञ्जलसिंह विष्टको समुह द्धितिय भएको हो । प्रथम प्याब्सन इन्टर स्कुल राष्ट्रिय लोक नृत्य प्रतियोगिता अन्तरगत प्रदेश स्तरीय प्रतियोगिता भएको हो । 

न्यु मुन लाइट बोर्डिङ स्कुल रुकुम पश्चिमबाट प्रथम भएर कर्णाली प्रदेश स्तरीय प्रतियोगिताका लागि छनौट भएको थियो । तर राष्ट्रिय प्रतियोगितामा छनौट हुन भने सकेन् । प्रतियोगितामा प्रथम भएको टिम राष्ट्रिय प्रतियोगितामा सहभागि हुन पाउने व्यवस्था थियो । प्रतियोगितामा प्रदेशका विभिन्न जिल्लाका नीजि तथा आवासिय विद्यालयले भाग लिएका थिए ।