नवौं राष्ट्रिय खेलकुद प्रतियोगिता अन्तरगत कर्णाली प्रदेश स्तरीय पुरुष भलिबल प्रतियोगितामा रुकुम पश्चिमले विजयी सुरुवात गरेको छ । कालिकोटको सदरमुकाम मान्ममा आजबाट सुरु भएको प्रतियोगितामा रुकुम पश्चिमले विजयी सुरुवात गरेको हो । आफ्नो पहिलो खेलमा रुकुम पश्चिमले जुम्लालाई २–० को सोझो सेटमा पराजित गर्यो ।
रुकुम समुह ए मा रहेको छ । अव दोस्रो खेल को संग खेल्ने भने टुंलो लागि नसकेको महिला भलिबल खेलाडी धनमाया बोहराले जानकारी दिनुभयो । पुरुष तर्फ प्रदेशका सबै १० वटै जिल्लाको सहभागिता रहेको छ । रुकुम पश्चिम साविकको मध्यपश्चिमाञ्चल विकास क्षत्र र हालको कर्णाली प्रदेश स्तरीय प्रतियोगिता लगातार तेस्रो पटक जित्ने जिल्ला हो ।
यो पटक पनि प्रतियोगिता जित्न सकेमा रुकुम पश्चिमले लगातार चौंथो पटक उपाधी जित्ने छ । त्यस्तै महिला भलिबल पनि कालिकोटमै हुँदै छ । महिला तर्फका खेल भने सुरु भइनसकेको बोहराले बताउनुभयो । महिला भलिबल तर्फ रुकुम पश्चिमले पहिलो खेल जाजरकोटसंग खेल्ने छ ।
