रुकुम पश्चिमका सिद्धार्थ केसी नवौं राष्ट्रिय खुलकुद प्रतियोगिता अन्तरगत राष्ट्रिय ब्याडमिन्टनका लागि छनौट भएका छन् । कर्णाली प्रदेश स्तरीय छनौटमा उत्कृष्ट ७ भित्र पर्दै राष्ट्रिय प्रतियोगिताका लागि छनौट भएका हुन् । उनले पोखरामा असोज २८ गते देखि कार्तिक ३ गतेसम्म हुने राष्ट्रिय खेलकुद प्रतियोगिता अन्तरगत पुरुष तर्फको ब्याडमिन्टनमा प्रतिस्पर्धा गर्ने छन् । उनी रुकुम पश्चिमबाट राष्ट्रिय प्रतियाेगिताका लागि छनाैट हुने पहिलाे खेलाडी हुन् ।
कर्णालीलाई ब्याडमिन्टका लागि ७ वटा कोटा थियो । जसअनुसार उत्कृष्ट ७ सम्म पुगेका खेलाडीहरु राष्ट्रिय प्रतियोगिताका लागि छनौट भएका हुन् । उनी क्वाटरफाइनलमा भने सुर्खेतका खेलाडीसंग पराजित भए । त्यस्तै रुकुम पश्चिमका विशाल विष्ट र इश्वर रावल भने राष्ट्रियका लागि छनौट हुन सकेनन् । विशाल आठौं स्थानमा परे भने इश्वर प्रि–क्वाटर फाइनलमा पराजित भए ।
जिल्लाबाट पुरुष र महिला तर्फ समान ३/३ जना खेलाडी सहभागि थिए । महिला तर्फ भने कसैले पनि पहिलो चरण पार गर्न सकेनन् ।
