१९ औं निजामती सेवा दिवसको अवसरमा रुकुम पश्चिममा वृक्षारोपण गरिएको छ । कर्मचारी मिलन केन्द्रको आयोजनामा जिल्ला प्रहरी कार्यालय परिसर भित्र टिमुर, अमला, बकाईनो लगाएतका १ सय १० वटा बिरुवा रोपिएको प्रमुख जिल्ला अधिकारी परमानन्द घिमिरेले जानकारी दिनुभयो ।

त्यस्तै दिवसको अवसरमा जिल्लास्थित सबै कार्यालयहरुमा सरसफाई समेत गरिएको छ । जिल्लामा वृक्षारोपण गरिएकामा पालिका स्तरमा भने फरक फरक कार्यक्रम गरेर निजामती सेवा दिवस मनाइएको छ । 
दिवसको अवसरमा आज साँझ जिल्ला प्रशासन कार्यालय, ६ वटै पालिकाकाको कार्यालय, विभिन्न शाखा कार्यालय र वडा कार्यालयमाहरुमा दिपावली गर्ने कार्यक्रम रहेको प्रमुख जिल्ला अधिकारी घिमिरले बताउनुभयो ।