१९ औं निजामती दिवसको अवसरमा रुकुम पश्चिमको त्रिवेणी गाउँपालिकामा सरसफाई गरिएको । दिवसको अवसरमा गाउँकार्यपालिकाको कार्यालय परिसर भित्र बिहान ८ बजे देखि १० बजेसम्म २ घण्टा सरसफाई गरिएको हो । 

पालिकामा कार्यरत सवै कर्मचारीले कार्यालय परिसर भित्र सरसफाई गर्नुका साथै कार्यालय भित्र रहेका फूलका बिरुवा गोडमेल पनि  गरेको प्रमुख प्रशासकीय अधिकृत प्रेमबहादुर घर्तीले जानकारी दिनुभयो । पालिका भित्र रहेका विभिन्न शाखा तथा १० वटै वडा कार्यालयहरुमा पनि सरसफाई गरिएको छ ।

दिवसको अवसरमा कर्मचारीहरुको ब्याडमिन्टन पनि संचालन भइरहेको उहाँको भनाई छ । आज साँझ ७ बजे कार्यालयमा दिपावली गर्ने कार्यक्रम रहेको प्रमुख प्रशासकीय अधिकृत घर्तीले बताउनुभयो ।