नेपालले भारतविरुद्ध सानदार जित हाँसिल गरेको छ । श्रीलंकामा जारी साफ यू १७ च्याम्पियनसिपमा नेपालले आज भारतविरुद्ध सानदार जित निकालेको हो । पुनरागमन जितसंगै नेपाल समूह विजेता बनेको छ । १-० ले पछि परेको अवस्थामा नेपालले खेल ३-१ ले जितेको हो । भारत भने समूह चरणको उपविजेता बनेको छ । नेपालले ६ अंक जोड्दा भारतको ३ अंक मात्र छ । भुटान अंक विहिन रहँदै यसअघि नै च्याम्पियनसिपबाट बाहिरिएको छ ।

पहिलो हाफको अन्तिम मिनेटमा १–१ को बराबरी गरेको नेपालले दोस्रो हाफमा २ गोल थपेको थियो । नेपालका लागि सरोज दर्लामी, युनेश बुढाथोकी र सुवास बमले समान १ गोल गरेका छन् । २५ औं मिनेटमा भारतका लागि ड्यानी मेतीको गोलमा भारतले अग्रता लिएको थियो । ४५ औं मिनेटमा सरोजले बराबरी गोल फर्काएका थिए । दोस्रो हाफको चौथो मिनेटमा नै युनेशको गोलबाट नेपालले अग्रता लिएको थियो । ६७ औं मिनेटमा सुवासले गोल थपेका थिए । नेपाल र भारतले दुवैले पहिलो खेल जित्दै सेमिफाइनलको यात्रा तय गरिसकेका छन् ।