रुकुम पश्चिमले अन्य ३ खेलमा ४ गोल्ड मेडल जितेको छ । कर्णाली प्रदेश स्तरीय छनौट प्रतियोगितामा जिल्लाले आज आइ.टि.एफ. तेक्वान्दो, वक्सिङ र जुडोमा ४ गोल्ड मेडल जितेको हो । आइ.टि.एफ तेक्वान्दोमा दिपक विक र जनक विएम प्रथम भए । विक ५५ केजी र विएम ६५ केजीमा प्रथम भएको जिल्ला खेलकुद विकास समिति रुकुम पश्चिमका कार्यालय सचिव लिलाप्रसाद ढकालले जानकारी दिनुभयो ।

त्यस्तै वक्सिङमा ५१ केजी तौल समूहमा जीवन पुनमगर र जुडो ४८ केजी तौल समुहमा हिरा आचार्य प्रथम भएको उहाँले बताउनुभयो । त्यस्तै रुकुम पश्चिम महिला भलिबलमा द्धितिय भएको छ । आज भएको फाइनलमा जाजरकोटसंग पराजित हुँदै रुकुम पश्चिम दोस्रो भएको हो । पुरुष भलिबल टिम भने सेमिफाइनलसम्म मात्र पुग्न सक्यो ।