रुकुम पूर्वको सिस्ने गाउँपालिका वडा नम्बर ३ को वडा कार्यालय भवन मर्मत गरिएको छ । गत असार २० गते पोखरा गाउँ भन्दा माथिको वनबाट आएको ढुङ्गाले वडा कार्यालयको बैठक हलमा क्षति पुगेको थियो ।ढुङ्गाले क्षति गरेको झन्डै २ महिनापछि वडा कार्यालय भवन मर्मत  गरिएको ३ नम्बर वडा अध्यक्ष हेराम खड्काले जानकारी दिनुभयो ।

उहाँका अनुसार सिस्ने गाउँपालिकाको १ लाख ४५ हजार आर्थिक सहयोगमा भबन निर्माण गरिएको हो । भवनमा क्षति पुगेपछि नियमित कामकाजमा असर परेको थियो । भवन मर्मत गरिएपछि भने सहजता भएको वडाअध्यक्ष खड्काले बताउनुभयो ।