डिप्लोमा इन्जिनियर्स एसोसिएशन नेपाल (डिन) रुकुम पश्चिमको प्रथम जिल्ला अधिवेशन सम्पन्न भएको छ । शुक्रबार मुसीकोटमा भएको अधिवेशनबाट विनोदराज ओलीको अध्यक्षतामा १ सदस्य पछि थप्ने गरी १३ सदस्यीय जिल्ला कार्यसमिति गठन गरिएको छ । 

जसको उपाध्यक्षमा प्रकाश बटाला (प्रवेश), सचिव नवराज विष्ट, सह सचिव महेन्द्र ओली र कोषाध्यक्षमा जनक पुन रहनुभएको छ । सदस्यहरुमा प्रज्वल कठायत, मोहन खड्का, कृष्ण गिरी, नवीन आचार्य, दिपक शाह, राजन बटाला र भिमबहादुर ओली रहनुभएको छ । 

अधिवेशनमा डिप्लोमा इन्जिनियर्स एसोसिएशन नेपालका केन्द्रीय सदस्य रामाशिस शाह र आर.सी.आइ.पी रुकुम पश्चिमका आयोजना प्रमुख टंकप्रसाद खनाल लगायतको उपस्थिति रहेको थियो ।।