सिद्धार्थ बैंक मुसीकोट शाखाले एक विद्यालयलाई सहयोग गरेको छ । बैंकले मुसीकोट नगरपालिका १ खलंगामा रहेको त्रिभुवन जनता माविलाई साउण्ड सिस्टम सहयोग गरेको हो । बैंकको सामाजिक उत्तरदायित्व कार्यक्रम मार्फत बैंकले विद्यालयलाई २ वटा साउण्ड सिस्टम सहयोग गरेको हो । 

मञ्चको कार्यक्रम, अतिरिक्त क्रियाकलाप र वैठक तथा विभिन्न छलफलका कार्यक्रम संचालन गर्न सहयोग पुगोस भनेर विद्यालयलाई सहयोग गरिएको बैंकका प्रवन्धक ओपेन्द्र बिष्टले जानकारी दिनुभयो । आज विद्यालयको ७० औंं वार्षिकोत्सव समारोहका अवसरमा उक्त सामग्री विद्यालयलाई हस्तान्तरण गरिएको हो

बैंकका प्रवन्धक बिष्टले विद्यालयका प्रध्यानाध्यापक हरिप्रसाद खनाललाई उक्त सामग्री हस्तान्तरण गर्नुभयो । बैंकले आफ्नो सामाजिक उत्तरदायित्व अन्तरगत वर्षेनी विभिन्न क्षेत्रमा सहयोग गर्ने गरेको शाखा प्रवन्धक बिष्टले बताउनुभयो । सामग्री सहयोग गरेको भन्दै विद्यालयले सिद्धार्थ बैंकलाई धन्यवाद दिएको छ ।