रुकुम पश्चिमको मुसीकोट नगरपालिका वडा नम्बर १ खलंगामा चौथो शिद्धगुफा गोल्डकप सुरु भएको छ । बडादशैंको अवसरमा एस.एम.बि इन्जिनियरिङ सर्भिसेस प्रा.लि.ले आयोजना गरेको प्रतियोगिता खलंगास्थित बराहटाकुरामा सुरु भएको हो । आज एक कार्यक्रमका विच प्रतियोगिताको जिल्ला खेलकुद विकास समितिका अध्यक्ष शैलेशकुमार शर्माले उद्घाटन गर्नुभयो ।  

प्रतियोगिता सेभन ए साइडको रहेको आयोजक समितिका मोहन खड्काले जानकारी दिनुभयो । प्रतियोगितामा रुकुम पश्चिम र रुकुम पूर्वका २७ वटा फुटबल समुहले सहभागिता जनाएको उहाँले बताउनुभयो । प्रतियोगिताको विजेताले ५० हजार नगद, कप, मेडल र प्रमाणपत्र प्राप्त गर्ने आयोजकले जनाएको छ । 

त्यस्तै उप विजेताले २५ हजार नगद, कप, मेडल र प्रमाणपत्र प्राप्त गर्ने छ । विभिन्न व्यक्तिगत इभेन्टमा पनि पुरस्कार वितरण हुने आयोजकले जनाएको छ । वेष्ट प्लेयर, वेष्ट डिभेन्डर र वेष्ट किपरलाई जनही २÷२ हजार पुरस्कार दिइने छ । विभिन्न व्यक्तिहरुबाट सहयोग संकलन गरेर प्रतियोगिता आयोजना गरिएको हो । नकआउट सिस्टममा खेलाइएको प्रतियोगिता ३ दिनसम्म चल्ने बताइएको छ ।