रूकुम पश्चिमकाे सदरमुकाम मुसिकाेट खलंगामा आयाेजित चाैंथाे शिद्ध गुफा गाेल्ड कपकाे उपाधि सल्ले यूनाइटेड `ए´ले जितेकाे छ । आज भएकाे फाइनलमा यूनिक ब्वाइजलाई पेनाल्टी सुट आउटमा पराजित गर्दै सल्ले यूनाइटेडले उपाधि हात पारेकाे हाे ।

खलंगास्थित बराहटाकुरामा भएकाे खेलमा निर्धारित समयमा दुवै टिमले गाेल गर्न नसकेपछि खेल पेनाल्टी सुटआउटमा गएकाे थियाे । जसमा ३-२ गाेल अन्तरले पराजित गर्दै सल्लेले उपाधि जितेकाे हाे । बडादशैंको अवसरमा एस.एम.बि इन्जिनियरिङ सर्भिसेस प्रा.लि.ले प्रतियाेगिता आयाेजना गरेकाे हाे ।

विजेता सल्लेले नगद ५० हजार, कप, मेडल र प्रमाण-पत्र प्राप्त गरेकाे छ । उपविजेता यूनिक ब्वाइजले २५ हजार, कप, मेडल र प्रमाण-पत्रमा चित्त बुझाएकाे छ । प्रतियाेगिताकाे उत्कृष्ट खेलाडी सल्ले यूनाइटेडका रमेश बाेहरा बने । वेष्ट किपर सल्लेकै अनिल थापा, बेष्ट डिफेन्डर यूनिक ब्वाइजका सन्ताेष केसी घाेशीत भएकाे आयाेजक समितिका माेहन खड्काले जानकारी दिनुभयाे ।

त्यस्तै वेष्ट गाेल स्काेरर सल्ले यूनाइटेडका सञ्जय बुढाथाेकी, माेस्ट भ्यालुयवल खेलाडी सल्लै निराजन बाेहरा, तथा वेष्ट इमर्जिङ प्लेयर सल्ले यूनाइटेड `सि´ का सुदिप थापा बनेकाे आयाेजकले जनाएकाे छ । व्यक्तिगत इभेन्टमा उत्कृष्ट मध्ये उत्कृष्ट खेलाडीलाई २ हजार ५ सय र अन्यलाई समान २/२ हजार, ट्रफि, मेडल र प्रमाण-पत्रले पुरस्कृत गरिएकाे बताइएकाे छ ।