रूकुम पूर्वकाे पुथाउत्तरगंगा गाउँपालिकाले विपतका कुनै घटना भए गाउँपालिकामा जानकारी गराउन भनेकाे छ । लगातार पानी परेपछि गाउँपालिकाले कुनै घटना भएमा खबर गर्न आग्रह गरेकाे हाे ।
गाउँपालिका उपाध्यक्ष भुपेन्द्रा बुढाले गाउँपालिकाका कुनै ठाउँमा विपत् सम्वन्धी जुनसुकै घट्ना घटेमा, समस्या आइपरे गाउँपालिका अध्यक्ष, उपाध्यक्षलाई खबर गर्न भन्नुभएकाे छ । साथै जिल्लाको आपत्पकालीन कार्य सञ्चालन केन्द्रमा खबर गर्न समेत सकिने उहाँकाे भनाई छ ।
आज सामाजिक सञ्जाल फेसबुकमा उपाध्यक्ष बुढाले लेख्नुभएकाे छ, `पुथाउत्तरगंगा गाउँपालिकामा विपत् सम्वन्धी जुनसुकै घट्ना घटेमा, समस्या आइपरे गाउँपालिका अध्यक्ष पुनिराज घर्तिमगरकाे माेबाइल नम्बर ९८५७८२४२८१, गाउँपालिका उपाध्यक्ष भुपेन्द्रा बुढा मगरकाे मोबाइल नम्बर ९८५१३४२१५५,९८४७९५७५८५ मा सम्पर्क गर्नु होला, साथै जिल्ला को आपतकालीन कार्य सञ्चालन केन्द्रको मोवाइल नम्बर ९७४६९३०९४० मा २४ सैं घण्टा खवर गर्नुहुन अनुरोध छ ।´
