रुकुम पूर्वमा पनि भव्य कार्यक्रम आयोजना गरी ६७ औं प्रहरी दिवस मनाइएको छ । दिवसका अवसरमा केही दिन देखि विभिन्न कार्यक्रम सञ्चालन भएकामा आज मुख्य दिन मञ्चको कार्यक्रम आयोजना गरिएको हो । जिल्ला प्रहरी कार्यालय परिसरमा दिवस विशेष कार्यक्रम गरिएको हो ।
जिल्ला प्रहरी प्रमुख प्रहरी नायव उपरीक्षक (डीएसपी) प्रकाश डाँगीको अध्यक्षतामा भएको कार्यक्रममा प्रमुख जिल्ला अधिकारी तुलाराज सुनुवारको प्रमुख आतिथ्यता रहेको थियो । दिवसको अवसरमा प्रमुख जिल्ला अधिकारी सुनुवार सहित कार्यक्रमका अतिथिहरूले जिल्ला प्रहरी कार्यालय परिसरमा रहेको अमर प्रहरी स्मारकमा पुष्पहार अर्पण गर्नुभएको थियो ।
दिवसको अवसरमा उत्कृष्ट काम गर्ने १० जना प्रहरी कर्मचारी सहित जिल्ला प्रहरीलाई विभिन्न सहयोग गर्ने समाजसेवीलाई पनि सम्मान गरेको छ । दिवसको अवसरमा सञ्चालित विभिन्न प्रतियोगिताका विजेतालाई पुरस्कार वितरण समेत गरिएको छ ।
दिवसको अवसरमा जिल्ला प्रहरी कार्यालय परिसरमा वृक्षारोपण, ट्राफिक सचेतना कार्यक्रम र सर्वसाधारणलाई सुरक्षा चुनौती लगायतको नागरिक जागरण कार्यक्रम पनि गरिएको थियो । दिवस विशेष कार्यक्रममा नेपाली सेनाका सेनानी बाबुलाल जिसी, सशस्त्र प्रहरी बलका प्रमुख रविन्द्र श्रेष्ठ, अनुसन्धान प्रमुख सञ्जीवकुमार चौधरी, जिल्ला स्थित विभिन्न कार्यालय प्रमुख, पत्रकार लगायतको उपस्थिति रहेको थियो । कार्यक्रमको सञ्चालन प्रहरी सहायक निरीक्षक दामोदर न्यौपानेले गर्नुभएको थियो ।
कार्यक्रमका केही तस्बिरहरुः
