नेपाल पत्रकार महासंघ रुकुम पश्चिममाले वेवसाइट संचालनमा ल्याएको छ । बढ्दो प्रविधिको प्रयोगसंगै महासंघले डिजिटल सूचना प्रणालीलाई ध्यानमा राख्दै वेवसाइट संचालनमा ल्याएको हो । 

वेवसाइटको आज प्रमुख जिल्ला अधिकारी परमानन्द घिमिरेले उद्घाटन गुर्नभयो । www.fnjrukum.org लग इन गरेर पत्रकार महासंघको इतिहाँस, जिल्लास्थित पत्रकार, संचार माध्यमको जानकारी, कार्यालय र कार्यालय प्रमुखको नम्बर लगायतका महत्वपूर्ण जानकारी लिन सकिने पत्रकार महासंघका अध्यक्ष लक्ष्मण केसीले जानकारी दिनुभयो । 

त्यस्तै महासंघले गर्ने गतिविधि, जिल्लास्थित विभिन्न कार्यक्रमको जानकारी वेवसाइट मार्फत गराइने केसीले बताउनुभयो । वेवसाइटलाई नियमित अपडेट गरेर प्रभावकारी बनाइने उहाँले बताउनुभयो । आज एक कार्यक्रमको आयोजना गरी वेवसाइटको उद्घाटन गरिएको हो ।