रुकुम पश्चिमको बाँफिकोट गाउँपालिका वडा नम्बर १ मा हरेक वर्ष लाग्दै आएको मेलचौर मेला यो वर्ष कार्तिक १३ गते देखि लाग्ने भएको छ । मेलाको अवसरमा खुला शुद्ध वडा स्तरिय पुरुष भलिबल र पुरुष ब्याडमिन्टन प्रतियोगिताको आयोजना गरिएको छ ।

भलिबलमा प्रथम हुने टिमले नगद १ लाख ५ सय ५ रुपैयाँ साथमा मेडल र प्रमाणपत्र प्राप्त गर्ने छ । त्यस्तै दोस्रो हुने टिमले नगद ६० हजार २ सय ५५ रुपैयाँ साथमा मेडल र प्रमाणपत्र पाउँदा तेस्रो  टिमले नगद ४० हजार १ सय ५५ रुपैयाँ साथमा मेडल र प्रमाणपत्र प्राप्त गर्ने छ । शान्त्वना हुने टिमले नगद २० हजार पाँच ५५, मेडल र प्रमाणपत्र पाउने बताइएकाे छ । 

त्यस्तै ब्याडमिन्टनमा प्रथम, दोस्रो र तेस्रोले क्रमश १० हजार, ७ हजार र ५ हजार रुपैंया, मेडल र प्रमाणपत्र पाउने युवा तथा खेलकुद विकास समिति अध्यक्ष जयबहादुर मल्लले जानकारी दिनुभयो । यसका साथै बुधबार १ नम्बर वडा कार्यालयमा बसेको बैठकले वडा सदस्य बादी मल्लको संयोजकत्वमा १५ सदस्यीय मेला परिचालन समिति गठन गरेको छ । मेला कात्तिक १६ गते सकिने छ ।