रुकुम पश्चिमका ४ जना नेकपा एमाले परित्याग गरि नेकपा माओवादी केन्द्रमा प्रवेश गरेका छन् । मुसिकोट नगरपालिका वडा नम्बर २ का ३ जना र मुसीकोट ७ का १ जना आज माओवादी केन्द्रमा प्रवेश गरेका हुन् । 

उनिहरुलाई सहिद प्रतिष्ठानको सभाहल मुसिकोट ५ मा आयोजित एक कार्यक्रमका विच नेकपा माओवादी केन्द्रका नेता जनार्दन शर्मा प्रभाकरले पार्टी प्रवेश गराउनुभयो । पार्टी प्रवेश गर्नेमा मुसिकोट २ का नवराज खड्का, कुवेरसिंह खड्का र सुवास खड्का रहनुभएको छ ।

त्यस्तै मुसिकोट नगरपालिका वडा नम्बर ७ का सुकलाल परियार पनि पार्टी प्रवेश गरेको नेकपा माओवादी केन्द्र जिल्ला समन्वय समिति रुकुम पश्चिमले जनाएको छ । मुसिकोट ५ का युवाहरुका लागि आयोजित प्रशिक्षण कार्यक्रम मार्फत उनिहरु पार्टी प्रवेश गरेको पार्टीले जनाएको छ ।