रुकुम पश्चिमको बाँफिकोट २ का ५५ वर्षिया मन्जित पौडेल बिहानको मिर्मिरे उज्यालो भएदेखी बेलुका अबेरसम्म खेतमा हुनुहुन्छ । उहाँलाई अहिले धान भित्र्याउने कामको चटारो छ । बाँफिकोट ३ का कालीबहादुर बोहरा पनि तिहार यता खेत बारीमै व्यस्त हुनुहुन्छ । उहाँलाई पनि धान भित्र्याउने कामले सताएको छ । यी दुई जना किसान मात्र हैन् दशै तिहार जस्ता ठुला चाडपर्वहरु सकिएलगत्तै किसानहरुलाई धान काट्ने र भित्र्याउने कामको चटारो छ ।
रुकुम पश्चिमका विभिन्न फाँटहरुमा यतिबेला किसान खेतमा व्यस्त छन् । जिल्लाको मुसिकाेटऽ चौरजहारी नगरपालिका, सानीभेरी र बाँफिकोट गाउँपालिका तथा आठबिसकोट नगरपालिकाका विभिन्न ठाउँमा धान पाकेर पहेँलै भएको छ । जेठ असार महिना तिर रोपेको धान पाकेर ठिक्क भएकाे छ । खेतका फाँटहरुमा धानका बाला लहलह झुलेका छन् । धान रुकुम पश्चिमकाे प्रमुख खाद्य बाली हाे ।
केही फाेटाेहरु:
