म त वृद्धआश्रममा छु !!

कविता

कखरा संवाददाता बुधबार, कात्तिक १६, २०७९

मुकुन्दप्रसाद शर्मा

मैले एक जना सय वर्षिय वृद्धलाई सोधे,
हजुरको सन्तानहरु खै ?
उनको जवाफ थियो -
जेठो छोरा अमेरिका छ
कान्छो छोरा जापान छ
जेठी छोरी अस्ट्रेलिया छ
कान्छी छोरी क्यानडा छ
अनि ज्वाइँ र बुहारीहरु
उनीहरू पनि उतै छन् ।
मैले भने
वाह ! तपाईं कति भाग्यमानी
अनि मैले फेरी सोधे
तपाईं कता हुनुहुन्छ त ?
वृद्धले आँसु झार्दै भने
म त वृद्धआश्रममा छु ।

प्रकाशित मिति: बुधबार, कात्तिक १६, २०७९ १६:३७