रुकुम पश्चिमको बाँफिकोट गाउँपालिका वडा नम्बर १ को मेलचौरमा हरेक वर्ष लाग्दै आएको मेलचौर मेलाको अवसरमा आयोजित खुला शुद्ध वडा स्तरीय भलिबल प्रतियोगिता सम्पन्न भएको छ । रुकुम पूर्व र पश्चिमका २३ टिमले प्रतिस्पर्धा गरेको प्रतियोगिता सानीभेरी गाउँपालिका वडा नम्बर ७ ले जितेको छ । 

आज भएको फाइनल मा बाँफिकोट गाउँपालिका वडा नम्बर २ लाई  ३–१ को सेटमा पराजित गर्दै सानीभेरी ७ प्रथम भएको हो । प्रथम हुने सानीभेरीले नगद एक लाख ५ सय पाँच रुपैयाँको साथमा कप मेडल र प्रमाणपत्र प्राप्त गर्दा दोस्रो हुने बाँफिकोट २ ले नगद ६० हजार दुई सय ५५ रूपैयाँ को साथमा कप मेडल र प्रमाणपत्रमा चित्त बुझाएको छ । 

त्यस्तै तेस्रो भएको रुकुम पूर्व को सिस्ने गाउँपालिका वडा नम्बर ४ ले नगद ४० हजार १ सय  ५५ प्राप्त गर्दा सान्त्वना स्थानमा चित्त बुझाएको बाँफिकोट ६ ले नगद २० हजार ५५ रुपैयाँको साथमा कप मेडल र प्रमाणपत्र पाएको छ । आज एक कार्यक्रमका बिच खेलकुद प्रतियोगिता समापन गरिएको आयोजक युवा तथा खेलकुद विकास समितिका अध्यक्ष जयबहादुर मल्लले जानकारी दिनुभयो ।