रुकुम पश्चिमको मुसीकोट नगरपालिका ८ ले सहिद परिवारलाई सम्मान गरेको छ । सहिद सप्ताहको अवसरमा वडाले वडामा रहेका तीन सहिद परिवारलाई सम्मान गरेको हो । आज वडा कार्यालय गर्पामा एक कार्यक्रमकाे आयोजना गरी सहिद देविलाल पाण्डे, चन्द्रबवहादुर रोका र ओमप्रकाश केसीको परिवारलाई नगद ५ हजार र दोसल्ला ओढाएर सम्मान गरिएको वडाले जनाएको छ । नेकपाका मुसीकोट नगर कमिटि अध्यक्ष जयवहादुर पाण्डे ‘पहाड’ले सहिद परिवारलाई नगद सहित दोसल्लाले सम्मान गर्नुभएको हो ।

सहिदले पुर्याएको योगदानको उच्च कदर गर्दै सहिद परिवारलाई सम्मान गरिएको वडाध्यक्ष वुद्धिप्रसाद बुढाले जानकारी दिनुभयो । वडाध्यक्ष बुढाको अध्यक्षतामा भएको सम्मान कार्यक्रममा पार्टी नगर कमिटि अध्यक्ष पहाडको प्रमुख आतिथ्यता रहेको थियो । त्यस्तै नेकपाका वडा कमिटि अध्यक्ष शेरवहादुर घर्ती लगायतको पनि कार्यक्रममा उपस्थिति रहेको थियो । कार्यक्रमको संचालन वडा सचिव विरवहादुर ओलीले गर्नुभएको थियो ।