रुकुम पश्चिमका व्यापारीहरु विचमा ब्याडमिन्टन प्रतियोगिता हुने भएको छ । उद्योग वाणिज्य संघले आफ्नो १३ औं वार्षिक उत्सव तथा स्थापना दिवसका अवसरमा जिल्ला भित्रका व्यापारीहरुका विचमा प्रतियोगिता आयोजना गरेको हो । प्रतियोगिता भोली फागुन १९ गते बिहान ७ बजेबाट खलंगाको बालमन्दिरमा सुरु हुने आयोजकले जनाएको छ । खेलकुदको माध्यमबाट व्यापारीहरुका विचमा भाईचाराको भावना विकास गर्नका लागि ब्याडमिन्टन प्रतियोगिता आयोजना गरिएको खेल संयोजक खगेन्द्र रशाईलीले जानकारी दिनुभयो ।

प्रतियोगिताको विजेता जोडिले २० हजार नगदका साथमा कप, मेडल र प्रमाणपत्र प्राप्त गर्ने छ । उप विजेता जोडिले नगद १५ हजार र सेमिफाईनलमा पुग्ने २ जोडिले समान ५/५ हजार नगद र कप, मेडल तथा प्रमाणपत्र प्राप्त गर्ने आयोजकले जनाएको छ । त्यस्तै १ जना उत्कृष्ट खेलाडिलाई १ हजार सहित कप, मेडल र प्रमाणपत्रले पुरस्कृत गरिने छ । त्यस्तै आयोजकले प्रतियोगितामा सहभागिताका लागि चालु आर्थिक वर्षको कर चुक्ता प्रमाणपत्र, कर तिरेको रशिद र उद्योग वाणिज्य संघमा नविकरण भएको प्रमाणपत्र मध्य एक पेश गर्नुपर्ने जनाएको छ ।

नाम दर्ता गर्दा व्यवशाय दर्ताको सक्कल प्रमाण पत्र पनि अनिवार्य पेश गर्नुपर्ने आयोजकको भनाई छ ।