रुकुम पश्चिमको आठबीसकोटमा विभिन्न ९ जना व्यक्तिहरु नेकपा एमाले परित्याग गरी नेकपा माओवादी केन्द्रमा प्रवेश गरेका छन् । वडा नम्बर ४ गोतामकोटको चौतारा र वडा नम्बर २ को साजेबगरमा भएको गठबन्धनको चुनावी सभा मार्फत ९ जना नेकपा माओवादी केन्द्रमा प्रवेश गरेका हुन् । 

पार्टी प्रवेश गर्नेमा नेकपा एमाले जिल्ला कमिटि सदस्य तथा आठबीसकोट नगरपालिका वडा नम्बर २ का इन्चार्ज पैलेमान घर्ती, वडा नम्बर ४ का इन्चार्ज भिमबहादुर बिष्ट, वडा नम्बर १ का पार्टी अध्यक्ष कर्णबहादुर बुढा, युथफोर्सका जिल्ला सदस्य लेनिन बुढा, नगर सदस्य सागर सिर्पाली, भक्तबहादुर बुढा, वडा नम्बर २ का पार्टी सदस्य खले थापा, रोकाजा टोल सदस्य अम्बरबहादुर बुढा र वडा नम्बर ४ का जयविर बिक रहेको नेकपा माओवादी केन्द्रले जनाएको छ । 

उनिहरुलाई अर्थमन्त्री, नेकपा माआवादी केन्द्रका नेता तथा गठबन्धनका तर्फबाट रुकुम पश्चिम प्रतिनिधि सभा सदस्यका उम्मेदवार जनार्दन शर्माले पार्टी प्रवेश गराउनुभएको हो ।