रुकुम पश्चिमको त्रिवेणी गाउँपालिका वडा नम्बर ८ पूर्णगाउँमा विद्युत सर्ट भएर एक घर आगलागी भएको छ । आज दिउँसो घरमा जोडेको विद्युत लाइन सर्ट हुँदा पहलसिंह खड्काको घर पूर्ण रुपमा क्षेति भएको छ । 

घरमा लागेको आगो पानीको अभाव हुँदा नियन्त्रणमा लिन मुस्किल भएको वडा अध्यक्ष नन्नराम खड्काले जानकारी दिनुभयो । उहाँका अनुसार स्थानीयबासी र नजिकै मतदान केन्द्रमा खटिएका सुरक्षाकर्मी सहितको समुहले घरमा लागेको आगो नियन्त्रणमा लिएको थियो । 

आगलागीबाट घर भित्र रहेका लत्ता कपडा, खाद्यान्न, नगद २ लाख  रुपैंया, ३ तोला सुन लगाएत घर भित्र रहेका सबै सामान जलेर नष्ट भएको पीडित परिवारले जनाएको छ । दिउँसोको समय घरपरिवार घर बाहिर भएको बेला घरमा आगलागी भएको वडा अध्यक्ष खड्काले बताउनुभयो ।