प्रतिनिधि र प्रदेश सभा निर्वाचन
रुकुम पूर्वमा अझै २ वटा मतदान केन्द्रको मत पेटिका संकलन गर्न बाँकी
साँझबाट मतगणना सुरू गर्ने तयारी ।
रुकुम पूर्वका ५४ वटा मतदान केन्द्रको मत पेटिका सदरमुकाम रुकुमकोट ल्याइपुर्याइएको छ । ३ वटा स्थानीय तहमा पर्ने ५६ वटा मतदान केन्द्र मध्ये ५४ वटा मतदान केन्द्रको मत पेटिका जिल्ला ल्याइपुर्याइएको हो ।
सिस्ने गाउँपालिका वडा नम्बर १ को पाखापानी मतदान केन्द्र र पुथाउत्तरगंगा गाउँपालिका वडा नम्बर २ पेल्मा मतदान केन्द्रको मतपेटिका जिल्ला आइपुग्न बाँकी रहेको जिल्ला निर्वाचन अधिकारी तेजकुमार ओलीले जानकारी दिनुभयो ।
भौगोलिक रुपमा टाढाको दुरिमा रहेकोले मतपेटिका ल्याउन समय लागेको उहाँको भनाई छ । आज दिउँसो ४ बजेसम्म उक्त ठाउँको मत पेटिका पनि आइपुग्ने उहाँलेब बताउनुभयो । सबै मतपेटिका आइपुगेपछि आजै साँझबाट मतगणना सुरु गर्ने तयारी गरिएको छ ।
प्रकाशित मिति: सोमबार, मंसिर ५, २०७९ १३:४३
प्रतिक्रिया दिनुहोस्
थप प्रतिनिधि/प्रदेशसभा निर्वाचन २०७९
साताको लोकप्रीय
