प्रतिनिधि र प्रदेश सभा निर्वाचन
आठबीसकोट १, २ र ३ को मतपेटिका खलंगा आइपुग्यो, अझै तीन वडाकाे बाँकी
रुकुम पश्चिमको आठबीसकोट नगरपालिका वडा नम्बर १, २ र ३ को मतपेटिका खलंगा आइपुगेको छ । आज बिहान हिडाइएको मतपत्र बेलुकी ५ बजे खलंगामा रहेको मुख्य निर्वाचन अधिकृतको कार्यालयमा आइपुगेको हो ।
भौगोलिक विकटताका कारण मतपत्र आइपुग्न समय लागेको हो । जिल्लाका सबै ठाउँबाट मतपेटिका आइनपुगेकाले अझैसम्म मतगणना सुरु हुन सकेको छैन् । अझै आठबीसकोटका तीन वडाको मतपेटिका आउँन बाँकी छ । वडा नम्बर ४, ५ र ६ नम्बर वडाको मत पुग्न बाँकी छ ।
उक्त वडाको मत पनि आजै पुग्ने मुख्य निर्वाचन अधिकृतको कार्यालयले जनाएको छ । सबै मतपेटिका आइपुगेपनि आजै मतगणना सुरु हुने कि नहुने भन्ने अन्यौलता छ । जिल्लाका ७ वडामा मतदानमा धाँदली भएको भन्दै नेकपा एमालेले पुनः मतदानको माग गरेको छ । जसका कारण आजै मतगणना सुरु हुनेमा आशंका छ ।
प्रकाशित मिति: सोमबार, मंसिर ५, २०७९ १७:३७
प्रतिक्रिया दिनुहोस्
थप प्रतिनिधि/प्रदेशसभा निर्वाचन २०७९
साताको लोकप्रीय
