प्रतिनिधि र प्रदेश सभा निर्वाचन
रुकुम पश्चिममा मत गणना सुरु
बाँफिकाेट ४ बाट गणना सुरू ।
रुकुम पश्चिममा मतगणना सुरु भएको छ । मुख्य निर्वाचन अधिकृतकाे कार्यालयमा बिहान साढे ८ बजेपछि मात्र मत गणना सुरु भएको हो । हिजो मध्यरातमा बसेको सर्वदलिय बैठकले बिहान ७ बजेबाटै मतगणना सुरु गर्ने निर्णय गरेको थियो । तर आवश्यक व्यवस्थापनको काममा ढिलाई हुँदा साढे ८ पछिबाट मतगणना सुरु भएको हो ।
अहिले प्रतिनिधि सभा र प्रदेश सभा क को मतगणना चलिरहेको छ । बाँफिकोट गाउँपालिका वडा नम्बर ४ को मतपत्र गणना भइरहेको मुख्य निर्वाचन अधिकृतको कार्यालयले जनाएको छ । रुकुम पश्चिममा १ लाख ४ हजार २ सय ८० मतदाता रहेकामा ६० हजार ५ सय २७ मत खसेको छ । यो कुल मतदाताको ५८ प्रतिशत हो ।
प्रकाशित मिति: मंगलबार, मंसिर ६, २०७९ ०८:५४
प्रतिक्रिया दिनुहोस्
थप प्रतिनिधि/प्रदेशसभा निर्वाचन २०७९
साताको लोकप्रीय
