रुकुम उद्योग वाण्ज्यि संघको १३ औं साधारण सभा तथा स्थापना दिवशको आवसरमा आयोजित ब्याडमिन्टन प्रतियोगिताको फाइनल भोली हुने भएको छ । भोली २१ गते विहान सदरमुकाम खलंगा स्थित बाल मन्दिर प्रांगनमा फाइनल खेल हुने भएको हो । नवराज गिरी र चित्र थापा तथा दिनेश केसी र भुपेन्द्र केसीको जोडीबीच फाइनल खेल हुने छ ।

विहीबार भएको सेमी फाइनल खेलबाट फाइनलको टुंगो लागेको हो । आकाश रोका र सन्देश रोकाको जोडीलाई हराएर गिरी र थापाको जोडी फाइनल प्रवेश गरेको हो भने हेमन्त रोका र रामबहादुर विष्टको जोडीलाई हराएर दिनेश र भुपेन्द्रको जोडी फाइनल प्रवेश गरेको हो । 

२० जोडीले सहभागिता जनाएको प्रतियोगिताको विजेता जोडीले नगद २० हजार, उप विजेताले १५ हजार नगद प्राप्त गर्नेछ । सेमीफाइनलसम्म पुगेका २ जोडीलाई ५/५ हजार नगद पुरस्कार दिइने छ । ब्यापार–व्यवसायीको जमघट सहित संघको साधारण सभा तथा स्थापना दिवश मनाउने उद्देश्यले प्रतियोगिता आयोजना गरिएको अध्यक्ष पहलबहादुर खड्काले बताउनुभयो ।