खप्तडी बुढाथोकी क्षेत्री सेवा समाज रुकुम पश्चिमको प्रथम जिल्ला अधिवेशन मुसिकोटमा सुरु भएको छ । खलंगा स्थित बालमन्दिरको सभाहलमा समाजको पहिलो जिल्ला अधिवेशन सुरु भएको हो । समाजकी केन्द्रीय सदस्य देवी बुढाथोकीले अधिवेशनको उद्घाटन गर्नुभयो । 

प्रथम जिल्ला अधिवेशन आयोजक समितिका संयोजक बिष्णु बुढाथोकीको अध्यक्षतामा भएको कार्यक्रममा खप्तडी बुढाथोकी क्षेत्री सेवा समाजका केन्द्रीय सदस्यहरु, कर्णाली प्रदेशका विभिन्न जिल्लाका अध्यक्ष तथा प्रतिनिधिहरु, जिल्ला स्थित सरोकालावा लगायतको सहभागिता रहेको छ । 

अधिवेशनबाट नयाँ जिल्ला कार्यसमिति चयन गरिने जिल्ला अधिवेशन आयोजक समितिका संयोजक बिष्णु बुढाथोकीले जानकारी दिनुभयो । अधिवेशन नयाँ नेतृत्व चयन गर्दै आजै सकिने उहाँले बताउनुभयो । कमल बुढाथोकीको स्वागत मन्तव्यबाट सुरु भएको उद्घाटन समारोहको संचालन कुलबहादुर बुढाथोकीले गरिरहनुभएको छ ।