रुकुम पश्चिमको मुसिकोट नगरपालिका वडा नम्बर ११ का महिला स्वास्थ्य स्वमंसेविकालाई सम्मान गरिएको छ । अन्तराष्ट्रिय महिला स्वास्थ्य स्वमंसेविका दिवसका अवसरमा वडा कार्यालयले ७ जना महिला स्वास्थ्य स्वयंसेविकालाई सम्मान गरिएको हो । 

वडाको आर्थिक वर्ष २०७९/०८० को २५ हजार रकमबाट सम्मान स्वरुप झोला, छाता र न्यानो बर्की वितरण गरिएको वडा सचिव कमल पुनमगरले जानकारी दिनुभयो । महिला स्वास्थ्य स्वयंसेविकाहरुकै रोजाइमा उक्त सामग्रि प्रदान गरिएको उहाँले बताउनुभयो । 

वडाध्यक्ष गोविन्दबहादुर बुढाको अध्यक्षतामा आयोजित कार्यक्रम मार्फत वडामा रहेका महिला स्वास्थ्य स्वयंसेविकाहरुलाई सम्मान गरिएको हो । महिला स्वास्थ्य स्वयंसेविकाले समाजमा पुर्याएको योगदानको कदर गर्दै उनिहरुको थप प्रोत्साहनका लागि सम्मान गरिएको वडा कार्यालयले जनाएको छ । 

सामुदायिक महिला स्वास्थ्य स्वयंसेविकाको प्रतिबद्धता, स्वास्थ्य प्रबद्र्धनमा हाम्रो एक्यवद्धता भन्ने मुल नाराका साथ १९ औं अन्तरास्ट्रिय महिला स्वास्थ्य स्वयंसेविका दिवस मनाइएको हो ।