रुकुम पश्चिमको सदरमुकाम मुसीकोट खलंगामा अन्तराष्ट्रिय महिला सहिद दिवसको अवसरमा दीप प्रज्वलन गरिएको छ । आज साँझ मुसीकोट नगरपालिका वडा नम्बर १ को कालिकास्थानमा दीप प्रज्वलन गरिएकाे हो । दिवसको अवसरमा दीप प्रज्वलन कार्यक्रम आयोजना गरिएको महिला मावन अधिकार रक्षक सञ्जालकी अध्यक्ष ब्युझना पुन देवकोटाले जानकारी दिनुभयो ।

विभिन्न काल खण्डमा आफ्नो अधिकारको निम्ति र राज्यले गरेको अन्याय विरुद्ध संघर्ष गर्ने क्रममा ज्यान गुमाएका ज्ञात तथा अज्ञात सहिदहरूकाे सम्मानमा दीप प्रज्वलन गरिएकाे उहाँले बताउनुभयाे । दीप प्रज्वलन कार्यक्रममा महिला पनर्थापना केन्द्र ओरेक, हरप्लेस लगायत जिल्लामा महिला अधिकारको क्षेत्रमा काम गर्ने अधिकारकर्मीहरूकाे सहभागिता रहेको थियो ।