रुकुम पश्चिमको बाँफिकोट गाउँपालिका वडा नम्बर २ मा परम्परागत कुनाखेत मेलाको अवसरमा आयोजित पुरुष ब्याडमिन्टन प्रतियोगिता सम्पन्न भएको छ । रुकुम पूर्व र पश्चिमका गरी १६ जोडीले प्रतिस्पर्धा गरेको प्रतियोगितामा रुकुम पश्चिम सानीभेरी १ को महेन्द्र पुन र कविन्द्र पुनको जोडी विजेता भएको छ ।
आज भएको फाइनलमा रुकुम पूर्व सिस्ने गाउँपालिकाको मदन बुढाथोकी र सोहेल क्षेष्ठको जोडीलाई पराजित गर्दै महेन्द्र र कविन्द्रको जोडी विजेता बेनेको हो । पहिलो बन्ने जोडीले नगद २० हजार ५ सय ५५, मेडल र प्रमाणपत्र प्राप्त गरेको छ । भने दोस्रो हुने जोडीले १३ हजार ५ सय ५५ रूपैयाँको साथमा मेडल र प्रमाणपत्र प्राप्त गरेको छ ।
प्रतियोगिताको सेमिफाईनल सम्म पुगेको सन्देश केसी र गोबिन्द मल्ल तथा राजेन्द्र खड्का र धनबिर बोहराको जोडीले समान २ हजार ५ सय नगद, मेडल र प्रमाणपत्र पाएको आयोजक वडा युवा तथा खेलकुद विकास समिति बाँफिकोट गाउँपालिका वडा नम्बर २ ले जनाएको छ ।
